ກອງພັນໃຫຍ່ 661 ປິດຂະບວນການແຂ່ງຂັນກິລາ
ວັນທີ 3 ຕຸລາ 2023 ນີ້, ກອງພັນໃຫຍ່ 661 ໄດ້ປິດຂະບວນການແຂ່ງຂັນກິລາ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບ
ຮອບ 75 ປີ, ວັນສ້າງຕັ້ງເຫຼົ່າຮົບ-ລົດຕັງຍານເກາະ ຄົບຮອບ 62 ປີ ແລະ ວັນສ້າງຕັ້ງກອງພັນໃຫຍ່ 661 ຄົບຮອບ 7 ປີ, ໂດຍການເປັນປະທານ
ຂອງ ສະຫາຍ ພັນເອກ ຄຳປານ ແພງພັນ ຫົວໜ້າການເມືອງ ກອງພັນໃຫຍ່ 661, ມີຄະນະພັກ-ຄະນະບັນຊາ, ພະແນກການ, ກອງພັນ, ພະນັກ
ງານ-ນັກຮົບ, ຄະນະຮັບຜິດ ຊອບພ້ອມດ້ວຍນັກກິລາເຂົ້າຮ່ວມ.
ສະຫາຍ ພັນໂທ ບຸນທະວີ ລ້ວນບຸດສະດີ ຫົວໜ້າພະແນກການເມືອງກອງພັນໃຫຍ່ 661 ໄດ້ຜ່ານຜົນສຳເລັດຂອງການສ້າງຂະບວນການແຂ່ງ
ຂັນກິລາໃນຄັ້ງນີ້ ດໍາເນີນໄປດ້ວຍບັນຍາກາດຟົດຟື້ນ, ເບີກບານມ່ວນຊື່ນ, ສ້າງຄວາມຮັກແພງສາມັກຄີພາຍໃນກົມກອງພ້ອມກັນນັ້ນ, ເພື່ອສະແດງ
ໃຫ້ເຫັນຄວາມໜັກແໜ້ນທາງດ້ານການເມືອງ, ຄວາມເຂັ້ມແຂງທາງດ້ານການຈັດຕັ້ງ ແລະ ເພື່ອໃຫ້ພະນັກງານ-ນັກຮົບລະນຶກເຖິງຜົນງານ, ມູນ
ເຊື້ອຂອງກອງທັບ, ເຫຼົ່າຮົບ-ລົດຕັງຍານເກາະ ທັງເປັນການຢັ້ງຢືນເຖິງການເຕີບໃຫຍ່ຂະຫຍາຍຕົວຂອງກອງພັນໃຫຍ່ 661 ໃນພາລະກິດປະຕິວັດ.
ຂະບວນການໃນຄັ້ງນີ້, ມີ 4 ປະເພດກິລາຄື: ບານເຕະຊາຍ, ບານສົ່ງຊາຍ, ບານສົ່ງຍິງ, ກະຕໍ້ ແລະ ເປຕັງປະສົມຊາຍ-ຍິງ ຜ່ານການແຂ່ງຂັນບານ
ເຕະຊາຍ ອັນດັບ I ກອງພັນ 162, ອັນດັບ II ພະແນກພະລາທິການ, ອັນດັບ III ກອງພັນ 615; ບານສົ່ງຊາຍອັນດັບ I ກອງພັນ 161, ອັນດັບ II
ກອງພັນ 162, ອັນດັບ III ພະແນກພະລາທິການ;ບານສົ່ງຍິງອັນດັບ I ໄດ້ແກ່ ພະແນກພະລາທິການ, ອັນດັບທີ II ພະແນກເສນາທິການ, ອັນດັບ III
ພະແນກບໍລິຫານ, ກະຕໍ້ ອັນດັບ I ໄດ້ແກ່ ກອງພັນ 161, ອັນດັບ II ພະແນກເສນາທິການ, ອັນດັບທີ III ກອງພັນ 615; ເປຕັງປະສົມ ຊາຍ-ຍິງ ອັນ
ດັບ I ກອງພັນ 615, ອັນດັບ II ພະແນກບໍລິຫານ, ອັນດັບ III ພະແນກເຕັກນິກ.
ແຫຼ່ງທີ່ມາ: ສົມຄິດ ພູມມີຈິດ
ວັນທີ 04/10/2023